TNT batok Meralco

CEBU, Philippines — Usa ang Cebuano point guard ug reigning 'Rookie of the Year' nga si Roger Pogoy sa mga players sa TNT KaTropa ang seguradong hugtan og  depensa  sa Meralco Bolts  players sa ilang duwa sa PBA Philippine Cup karong adlawa didto sa Ynares Center.

Ang duwa sugdan sa alas 4:30 sa hapon.

Si Meralco coach Norman Black mitug-an nga kinahanglan nila ang hugot nga depensa batok sa TNT nga lab-as pa sa 92-83 nga kadaogan   batok sa Blackwater niadtong Miyerkules.

Lahi sa ilang igsuong koponan nga TNT, ang Meralco usa sa mga nangiwit sa standing sa ilang rekord nga 1-2.

Si Black miingon nga usa si Pogoy sa mga sinaligang scorer karon sa TNT ilabi na sa outside   shooting    ug mao kini  ang   hinungdan kun nganong ilang depensahan og maayo  ang Sugboanong basketbolista.  

Ang Meralco nag-antos gihapon tungod kay pulos injured ang ilang mga key players sama nila ni Jared Dillinger, Cliff Hodge ug Ranidel De Ocampo.

Sa main game sa alas 6:45 sa gabii, ang Alaska Aces laraw nga mosakmit sa ikatulo nilang sunod-sunod nga daog batok Barangay Ginebra Kings.