USJ-R, USPF daog dayon sa 3rd Raul Cabañero cup
CEBU, Philippines — Miiskor dayon og daog ang University of San Jose-Recoletos (USJ-R) Baby Jaguars human makaipsot sa Southwestern University (SWU)-Phinma Baby Cobras, 70-66 sa una nilang duwa sa 3rd Capt. Raul Cabañero Inter-secondary basketball tournament niadtong Biyernes sa gabii didto sa Bulacan Sports Complex, Talisay City.
Si Dave Ando mikabkab og 14 puntos aron pangulohan ang USJ-R nga igo lang milabaw og usa ka lugas paghuman sa first period, 17-16.
Nangulo sa SWU-Phinma mao sila si Harvey Sanchez ug Gyle Patrick Montano nga nagkumboya’g 28 puntos.
Nakalabaw pa unta ang SWU-Phinma sa halftime, 41-34, apan hinay-hinay kining nahilis hangtod nailog sa USJ-R ang labaw, 54-52 ug ila kining namintinar hangtod sa katapusang gutlo.
Sa laing duwa, midaog sab ang University of Southern Philippines Foundation (USPF) Baby Panthers batok sa Don Bosco Technology Center (DBTC) Greywolves, 65-57.
Mao sab kini ang unang duwa sa Baby Panthers ning maong liga nga nahimo pinaagi sa paningkamot ni Bulacao Barangay Captain Raul Cabanero sa abag sa iyang mga konsehales, ilabi na nilang Banjo Abastillas, Darwin Cabanero ug Agnes Lastimosa.
Si Jay Ynot maoy topscorer sa USPF nga mihipos og 21 puntos, gisundan nilang Kyle Ochavo ug Maglasang nga nagkumboya’g 28 puntos.
Ang Greywolves nga nagtangag og 1-1 nga baraha, gipangulohan gihapon nilang Grenald Malubay ug Jomari Ranoco nga miposa’g 17 ug 15 puntos matag usa.
Ang liga nga gisuportahan sab sa SK Task Force, gipadagan ni head technical committee Edwin Dejacto Sr.
PUNTOS MATAG USA
Unang duwa:
USJ-R (70) – Ando 14, Robles 12, Echavez 11, Gonzaga 10, Quibao 6, Puntual 6, Panara 4, Pepito 3, Tindoy 2, Abarquez 2.
SWU PHINMA (66) – Sanchez 18, Montano 10, Rosano 8, Cabansay 8, Alburo 7, Aznar 7, Flores 3, Caracay 3, Odever 2.
Ikaduhang duwa:
USPF (65) – Ynot 21, Maglasang 16, Ochavo 12, Achacoso 5, Singson 3, Isabelo 3, Salazar 2, Cabatingan 2, M. Singson 1.
DBTC (57) – Malubay 17, Ranoco 15, Tagalog 8, Siona 6, Escobido 3, Dela Torre 2, Macam 2, Larumbe 2, Lariosa 1, Fernandez 1.
- Latest
