Donaire lisud nga kontra

Giangkon ni kanhi Irish boxing champion Carl Frampton nga usa ka lisud nga sangka iyang atubangon batok ni kanhi four-division Pinoy champion Nonito Donaire Jr. sa Abril 21 didto sa Belfast.

Si Frampton miingon nga si Donaire na unya ang labing lisud nga hagit sa iyang karera ug seguradong mosikat siya kun ugaling modaog siya  batok sa Pinoy star.

Duha ka rockets  players suspenso

Duha ka Houston Rockets players nga sila si Trevor Ariza ug Gerald Green ang gipahamtangan sa NBA Commissioner’s office og duha ka duwa nga suspensiyon.

Kini human nasayran nga ang duha maoy unang misulong sa locker room sa Los Angeles Clippers didto sa Staples Center aron unta atubangon si Blake Griffin ug Austin Rivers nga nakabikil nila sud sa korte.

Laing Fil-Am sikat sa ABL

Gawas ni Christian Standhardinger, hinay-hinay usab nga mihimo og kasikas sa ASEAN Basketball League ang laing Fil-foreign player nga si Josh Munzon. 

Si Munzon mao karon ang usa sa mga leading scorer sa Westport Malaysian Dragons diin siya nag-average og 17.6 points.