Kagubot tali sa Los Angeles Clippers, Rockets imbistigahan

CEBU, Philippines — Nimandar ang NBA Commissioner’s office og usa ka imbestigasyon kabahin sa nahitabong tensiyon tali sa Los Angeles Clippers ug Houston Rockets niadtong Martes didto sa Staples Center.

Ang  kadagkoan sa NBA gusto nga makigtigum sa mga magduduwa sa duha ka koponan nga nalambigit sa kagubot diin pipila ka   players sa Rockets ang miataki sa locker room sa Clippers human sa ilang duwa.

Kahinumduman, nga sila si Chris Paul, James Harden, Trevor Ariza ug Gerald Green namugos pagsulod sa locker room sa Clippers kay gusto nilang atakihon si Clippers star Blake Griffin ug Austin Rivers.

Sa nasayran, nagkainitay ang maong mga magduduwa atol sa duwa diin midaog ang Clippers sa iskor nga 113-102. (BANAT NEWS)