P700T giandam nga premyo sa 8TH SM2SM Run
CEBU, Philippines — Kapin P700,000 nga ganti ang gitagana alang sa mga mananaog sa 8th edition sa SM2SM Run nga mosikad sa Pebrero 18 diha sa SM City-Cebu grounds.
Ang tinuig nga lumba naglangkob sa 4K, 8K, 12K ug 21K categories nga moagi sa heritage locations sa siyudad sa Sugbo.
Gilauman sa organizers nga dul-an sa 7,000 ka runners ang mosalmot sa maong kalihukan.
Ang proceeds sa lumba mapunta sa Cebu Newsworkers Foundation, Inc., nga laraw nga mapalig-on pa ang journalism sa Sugbo ug mahatagan og maayong ugma ang mga nagtrabaho sa print media.
Ang registration fee nagkantidad og P550 sa 4K, P650 sa 8K, P750 sa 12K ug P950 sa 21K.
Mahimo na nga magparehistro didto sa second level sa North wing sa SM City-Cebu.
Sa dugang mga pangutana, mahimong motawag sa SM marketing department sa numero 232-0296 o bisita sa facebook page sa SM City Cebu. (BANAT NEWS)
- Latest
