Ravena, Teng angay na nga tawgong future PBA stars
CEBU, Philippines — Ning sayo pa lang nga season, angay na nga tawgon nga future PBA stars ang duha ka rookies nga sila si Kiefer Ravena sa NLEX Road Warriors ug Jeron Teng sa Alaska Aces.
Gumikan kay lahi sa ubang mga rookies, sila si Ravena ug Teng nahimo dayon nga mga sinaligang scorers sa tagsa-tagsa nila ka mga koponan.
Bisan pa sa kapildihan niadtong Domingo batok sa Magnolia Hotshots, ang No. 2 pick nga si Ravena mipakita sa NLEX nga wala kini masayop pagkuha kaniya dihang mirehistro siya og career-high 31 puntos.
Si NLEX coach Yeng Guiao una na nga miingon nga ang kanhi NBA Developmental League cager ang giisip niya nga umaabot nga haligi sa iyang koponan. Bisan og usa ka rookie, tagbaw na si Guiao sa gipakitang abilidad ni Ravena.
Sa iyang bahin, ang No. 5 pick sa miaging draft nga si Teng nahimo sab nga leading scorer sa Alaska sa una pa lang niya nga season sa liga. Sa iyang average nga 18.5 points, ang kanhi UAAP MVP gitahasan karon ni coach Alex Compton nga mogiya sa koponan paingon sa playoffs.
- Latest
