Ancajas wala masuhito estilo sa iyang kontra
CEBU, Philippines — Giangkon ni IBF junior bantamweight king Jerwin Ancajas nga naglisud sila pag-estudyo sa estilo sa iyang challenger nga si Israel Gonzales.
Si Ancajas mitug-an nga wala sila’y makit-an nga video sa nangaging mga sangka ni Gonzales maoy hinungdan nga nangandam na lang siya og maayo aron dali maka-adjust kun unsa man gani ang lihok sa Mehikanong boksidor.
“Iyong nakita lang namin sa kanya iyong video ng mga ensayo niya. Wala siya masyadong available na video sa YouTube,” matud pa ni Ancajas sa ABS-CBN Sports.
“Kaya marami akong ka-sparring para handa kami kahit hindi namin nakita karamihan ng video niya.”
Kini ang labing unang sangka ni Ancajas didto sa Estados Unidos ug gusto niya nga dili siya mauwawan ilabi na ang MP Promotions ni Manny Pacquiao maoy nag-agak kaniya.
“Kailangan maganda ang performance dahil iba ang taste ng mga Amerikano sa boxing,” dugang pa niya.
Silang Ancajas ug Gonzales magsangka karong Pebrero 3 didto sa Texas.
- Latest
