DeAndre Jordan kuhaon sa Cavs
CEBU, Philippines — Sa sunod-sunod nila nga kapildihan, ang Cleveland Cavaliers mas determinado karon nga mokuha og lig-ong bigman atol unya sa trade deadline sa sunod buwan.
Adunay mga taho nga ang Cavaliers interesado ni Los Angeles Clippers high-flyer DeAndre Jordan diin andam sila nga mo-trade og sobra usa ka player aron ila kining mabira.
“The Cavaliers is really interested in landing Clippers Center DeAndre Jordan,” matud pa sa NBA insider nga si Shams Charania sa Yahoo!Sports.
Unang gikataho nga ang Cavs mohagad nila ni Tristan Thompson ug future top pick ngadto sa Clippers bugti ni Jordan.
Si Cavs coach Tyron Lue daan na nga miingon nga problema nila ang kakuwang sa defender sa ilawom sa ring tungod kay pulos scorer ilang mga bigmen sama nila ni Kevin Love ug Channing Frye.
Gawas sa depensa, kuwang usab sa rebounding ang Cavs hinungdan nga naglisud sila karon sa sayong bahin sa ilang kampanya sa season.
- Latest