MGA LGBT motabang sa Cebu Marathon
CEBU, Philippines — Usa ka grupo sa LGBT (lesbian, gay, bisexual, transgender) ang mosuporta sa Cebu Marathon 2018 karong Domingo pinaagi sa pagbutang og usa ka hydration station.
Miagni sa maong grupo si Cebu City councilor Joel Garganera, kinsa nagtuo nga dako og tabang kini aron ipakita ang papel sa mga LGBT sa komunidad.
“This our way of making the LGBT part of the main spectrum not just in the sports events but in the society as well,” matud ni Garganera.
Sa maong hydration station, dili lang tubig ang ikaalagad sa mga LGBT, apan mamahimo usab nga magpamasahe ang naluya nga runners. Aduna sab sila’y giandam nga mubo nga pasundayag nga modugang og lamas sa lumba.
Ang mga LGBT kabahin lang sa liboan nga motabang ug mobantay sa mga runners atol sa lumba uban sa mga sakop sa CITOM, barangay tanod, marshalls ug kapolisan.
Nasayran nga kapin sa 5,000 ka runners ang maginukdanay karong Domingo diin masentro ang atensyon sa 42K category.
- Latest
