Ginebra gibaharan sa Blackwater
CEBU, Philippines — Seryoso ang Blackwater Elite sa ilang misyon karon nga patilawon sa labing una nilang pilde ang Barangay Ginebra Kings atol sa ilang duwa sa PBA Philippine Cup didto sa Mall of Asia Arena.
Mismo si Blackwater coach Leo Isaac ang miingon nga determinado ang iyang mga batos nga mopilde sa crowd-darling nga Ginebra.
“It would be something special for us if we be the first team to hand Ginebra its first defeat in the conference,” matud pa ni Isaac sa The Philippine STAR.
Ang Blackwater nga lab-as pa gikan sa ilang 92-87 nga kadaogan batok sa Rain or Shine Elasto Painters sa miaging semana, magsalig nila ni Allein Maliksi, Mike DiGregorio, JP Erram ug Mac Belo.
Samtang si Ginebra coach Tim Cone miangkon nga delikado ang Blackwater, apan dili siya motugot nga hikawan sila sa Elite sa ilang ikatulong sunod-sunod nga daog sa conference.
- Latest
