Pacquiao angay gyud nga moharong ni Khan
CEBU, Philippines — Kun siya ang pabut-on, ang retiradong Pinoy boxing legend nga si Gerry Peñalosa gusto nga si British star Amir Khan ang sunod sangkaon sa iyang higala nga si Manny Pacquiao karong tuiga.
Si Pacquiao mipasumbingay nga sa Abril siya mobalik og away human mahanaw sa iyang mga kamot ang WBO welterweight title dihang gipilde siya pinaagi sa controversial unanimous decision ngadto ni Australian Jeff Horn niadtong Hulyo 2 sa miaging tuig.
Wala pa’y kontra nga giparang ang Top Rank Inc. ni Bob Arum hinungdan nga si Peñalosa miingon nga mas maayo si Khan na lang ang sangkaon sa kanhi eight-division world champion nga si Pacquiao.
“I think Manny can knock him out,” matud pa ni Peñalosa sa The Philippine Star. “Khan has a glass jaw. I know that Manny hasn’t stopped an opponent since (Miguel) Cotto in 2009 so he’s overdue. After Manny beats Khan, he can go for a last fight, maybe against (Floyd) Mayweather. My opinion is Manny has two fights left before retiring. I don’t want him to risk his health by fighting longer than he should.”
Gidugang ni Peñalosa nga gamay na lang ang panahon ang nahibilin ni Pacquiao isip boksidor ug hapit na kini moretiro ilabi na nga busy na kini sa daghang obligasyon isip usa ka senador sa nasud. (BANAT NEWS)
- Latest