Green nakontrobersiya na sab

CEBU, Philippines — Nakontrobersiya na  sab ang sinaligang forward sa Golden State Warriors nga si Draymond Green dihang  gisilotan sa NBA  human niya gisaway ang mga reperi sa liga atubangan sa mga media.

Si Green wala gisuspenso, hinuon  gipamulta siya og $25,000 human niya   gipasanginlan ang mga reperi nga maoy nagdala og bati nga reputasyon sa NBA tungod sa mga sayop nga tawag atol sa mga duwa.

Si Green, nailhan nga usa ka prangkador ug agresibo nga player aduna na’y 11 ka technical fouls karon nga season. Usa ka one-game suspension ang nagpaabot kaniya kun ugaling moabot kini sa 16.

Gidugang pa sa “Defensive Player of the Year” nga daghan ang referees nga nagdumot kaniya ug namersonal ra kini. (BANAT NEWS)