LaVar Ball nimugna og laing kontrobersiya

CEBU, Philippines — Nakamugna na sab  og laing kontrobersiya si LaVar Ball nunot sa iyang pamahayag nga   players sa nagkagidlay nga Los Angeles Lakers wala na’y salig sa ilang head coach nga si Luke Walton.

Si  LaVar, amahan sa notadong rookie sa Lakers nga si Lonzo ug sa lain pang duha ka basketbolista nga sila si LiAngelo ug LaMelo nga karon miduwa isip mga prospesyonal didto sa Lithunia.

Giluwatan ni LaVar ang  maong  pamahayag sa dihang nahinabi sa ESPN.

Apan sa dihang gipangutana sa Los Angeles Times atol sa warm-up sa ilang duwa batok sa Atlanta Hawks kagahapon, si Lonzo Ball nagkanayon nga wala siya’y problema uban ni Walton.

Nagkanayon si Lonzo nga ang iyang trabaho mao ang pagduwa og basketbol ug moduwa siya bisan og kinsa ang coach ilabi na kay dili siya maoy magbuot sa pagpili niini.

Sa iyang bahin, si Walton masaligon nga taas gihapon ang kompiyansa sa iyang mga batos ngadto kaniya taliwala sa pasiatab ni LaVar. (BANAT NEWS)