IBF title tuyo ni Donaire

Gitug-an ni kanhi four-division Pinoy world champion Nonito Donaire nga laraw niya nga masakmit ang IBF featherweight title nga gihuptan ni Lee Selby.

Desidido si Donaire nga modaog sa iyang sunod sangka batok ni Irish Carl Frampton sa Abril 7 aron matuman ang iyang pangandoy.

Carter hapit na moretiro

Si veteran NBA star Vince Carter miingon nga duha ka tuig na lang iyang karera sa maong liga.

Ang 40-anyos nga si Carter nagtuo nga aduna pa siya’y ikabuga, apan gusto na niya nga mopahuway og duwa sa tuig 2020.

Tautuaa gutom og dungog

Ang Fil-Tongan ug kanhi No. 1 pick nga si Mo Tautuaa  gusto nga mahimong usa sa mga labing maayong player sa PBA ug tungod  niini doblehon niya iyang paningkamot uban sa TNT KaTropa sa nagpadayong Philippine Cup.