Curry di kaduwa vs. Cavs
CEBU, Philippines — Dili makaduwa si two-time MVP Stephen Curry sa gikahinaman nga sangka sa defending NBA champion Golden State Warriors batok sa Cleveland Cavaliers unya sa adlaw sa Pasko.
Kini gumikan kay si Curry padayon pang nagpaalim sa angol sa kiting nga iyang naangkon pipila ka semana ang nakalabay.
Ang Warriors mipadayag nga bisan og nindot ang pagrekober ni Curry, nanginahanglan pa kini og igong panahon sa dili pa kini mobalik sa aksiyon.
Susihon og balik ang kahimtang ni Curry karong Disyembre 26, usa ka adlaw human sa ilang finals rematch batok sa Cavaliers.
Sa kasamtangan, ang Warriors nakasagunson og siyam ka daog diin si Curry nakapalta og lima ka duwa. Mi-average siya og 26.3 points, 6.6 assists ug 5.1 rebounds karon nga season. (BANAT NEWS)
- Latest
