Pilipinas angay na mangandam

CEBU, Philippines — Ang Pilipinas usa sa napili nga mo-host sa FIBA World Cup unya sa 2023,   apan si Samahang Basketbol ng Pilipinas  chairman emeritus ug sports patron Manny  V.  Pangilinan  miingon  nga angay na nga mangandam sa maong makasaysayanong  kalihukan

Si Pangilinan maoy responsabli sa kalampusan sa nasud sa pagkuha sa hosting right sa World Cup uban sa Japan ug Indonesia.

Mitug-an siya nga dakong trabaho ang angay buhaton aron maandam ang nasud sa pag-host sa labing dakong basketball event  sa maong tuig.  Si Pangilinan miingon nga kanunay na ang komunikasyon sa SBP ug sa mga kadagkoan sa basketbol sa Japan ug Indonesia aron pagseguro nga  hapsay  ang   pag-host sa maong dakong kalihukan.

“The work for 2023 begins today. It’s a bit complicated but we’re familiar with what we must do. This was our second time to bid after losing in 2015. We’re happy, the people are happy and in all humility, we accept this honor,” matud pa ni Pangilinan sa The Philippine Star.

Gawas sa pag-andam sa mga binyu ug puy-anan sa mga players, ang SBP buot usab nga hatagan og pagtagad ang pagpalig-on pa sa Gilas Pilipinas nga maoy pambato sa nasud.

Isip usa sa tulo ka mga hosts, ang Pilipinas mahatagan og prebilihiyo diin awtomatik nga makasud sa World Cup ang Gilas. (BANAT NEWS)