UV, USJ-R naglaraw krusyal nga daog sa AsPac U Games

CEBU, Philippines — Ang defending CESAFI champion University of the Visayas (UV) Green Lancers ug University of San Jose-Recoletos (USJ-R)  Jaguars naglaraw og krusyal nga daog   pagtak-op sa elimination round sa 2nd Asia-Pacific University Games (APUG) basketball event karong adlawa diha sa Cebu Coliseum.

Makigharong ang Lancers sa Jangxi Provincial Pingxiang Experimental School sa China sa  alas-5 sa hapon, sa dili pa ang Jaguars moduwa batok sa Universiti of Technologi Mara sa Malaysia sa main game sa alas 6:30 sa gabii.

Sa pasiunang  duwa sa alas 3:30 sa hapon, magtigi ang University of San Carlos (USC) Warriors ug University of Southern Philippines Foundation (USPF) Panthers.

Inilog kaayo ang Lancers ug ang Jaguars batok sa langyaw nilang mga karibal nga wala pay daog batok sa lokal nga mga koponan.

Kun ugaling sila maoy moguwa nga mananaog, ang UV Lancers ug USJ-R  Jaguars maoy magbangga sa kampiyonato nga gikatakda ugma sa alas-4 sa hapon. (BANAT NEWS)