Devance dili Makaduwa sa Philippine Cup
CEBU, Philippines — Si Barangay Ginebra coach Tim Cone mitug-an nga dili makaduwa sa Philippine Cup ang sinaligan niyang forward nga si Joe Devance kay mopahuway pa kini human maoperahi ang na-injured niining tiil.
Sa miaging season unta operahan si Devance, apan iya lang gidala-dala ang iyang angol aron moduwa sa Ginebra nga mikampiyon sa Governors’ Cup.
Gumikan niini, si Cone naglaum nga doblehon pa ang paningkamot sa uban niyang bigmen aron dili haw-ang ang puwesto nga bakantihan ni Devance. Kay wala na man si Devance, tulo na lang ka bigmen ang Ginebra ang magtikaw-tikaw sa korte ug kini mao sila si Greg Slaughter, Japeth Aguilar ug Jervy Cruz. (BANAT NEWS)
- Latest