Romeo mobalik sa Gilas

CEBU, Philippines — Gikasubo ni PBA scoring champion Terrence  Romeo  nga wala siya makakuyog sa Gilas Pilipinas sa una niining kampanya sa 2019 FIBA World Cup qualifiers didto sa Tokyo, Japan.

Gusto unta ni Romeo nga morepresentar sa nasud sa mga international tournament, apan napugos siya pagpabilin  tungod sa iyang injury sa tiil.

Gihimakak ni Romeo nga adunay nagpugong kaniya nga moduwa alang sa Gilas tungod kay mipuhonan na siya og oras sa training uban sa national team sa wala pa siya maangol.

Hinuon, ang GlobalPort Batang Pier star mohangyo nga  apilon  pa  siya  sa  Gilas sa  umaabot nga mga duwa sa World Cup qualifiers.

“Pag 100 percent na ako, magta try-out ulit ako at kung deserving pa rin ako by that time, buong PUSO pa rin ako na maglalaro para sa bansa,” matud pa ni Romeo sa iyang social media account. 

Si Romeo mao unta ang saligan nga local scorer sa Gilas ug dako siya’g matabang ni naturalized center   Andray Blatche. (BANAT NEWS)