Gilas Pilipinas line-up gipagawas na
CEBU, Philippines — Gipagawas na ni coach Chot Reyes ang 12 ka players sa Gilas Pilipinas nga moduwa sa 2019 FIBA World Cup qualifiers nga sugdan karong adlawa didto sa Tokyo, Japan.
Ang Gilas nga moharong sa Japan karong adlawa pangulohan sa ‘twin-towers’ nga sila si Andray Blatche ug JuneMar Fajardo nga maoy moalkontra batok sa mga higanteng players sa Japan.
Uban nilang Blatche ug Fajardo mao ang mga beterano nga sila si Jayson Castro, Calvin Abueva, Japeth Aguilar ug Gabe Norwood.
Mokompleto sa line-up sa Gilas Pilipinas mao sila si Allein Maliksi, RR Pogoy, Matthew Wright, Troy Rosario, Kevin Alas ug PBA rookie Kiefer Ravena.
Wala malakip sila si Mac Belo, Carl Bryan Cruz ug Raymond Almazan.
Si Reyes miingon hinuon nga mausab pa kini ug aduna pa’y kahigayonan nga makaduwa ang tulo sa sunod leg lakip na si Terrence Romeo nga wala kauban sa Japan tungod sa injury.
Human sa Japan, ang Gilas mobalik sa Pilipinas aron mangandam sa sangka batok sa Chinese Taipei karong Nobiyembre 27 didto sa Smart Araneta Coliseum. (BANAT NEWS)
- Latest