Reyes bilib ni Blatche
CEBU, Philippines — Dili sama sa miagi niyang training camp uban sa Gilas Pilipinas, si head coach Chot Reyes mibilib kaayo ni Andray Blatche tungod sa maayong kondisyon sa iyang naturalized player pipila ka adlaw sa dili pa ang ilang duwa sa 2019 FIBA World Cup qualifiers karong Nobiyembre 24 didto sa Tokyo, Japan.
Si Blatche nga miabot na sa Pilipinas niadtong Domingo gikan sa China, mipakita og kalagsik sa ilang ensayo kagahapon didto sa Meralco Gym.
Lahi sa mga miagi niyang kampanya uban sa Gilas, si Blatche dili na ‘overweight’ ug taas na og hangin basi sa iyang gipakita sa team practice.
Si Blatche miingon nga dako og natampo ang bag-o pa lang pagduwa niya sa Chinese Basketball Association.
Gidugang ni Blatche nga tabangan niya ang Gilas nga maharos ang duwa batok sa Japan ug Chinese Taipei sa Nobiyembre 27 aron makaangkon og luna sa second round bisan pa og mapilde sila sa Australia sa Pebrero. (BANAT NEWS)
- Latest