Seigle mutabang sa Alab

Mutabang sa Alab Pilipinas ang kanhi PBA All-Star nga si Danny Seigle dili isip usa ka player apan usa ka assistant coach sa koponan sa ASEAN Basketball League.

Si Seigle kinsa katapusang miduwa sa TNT KaTropa mahimong assistant coach ni Jimmy Alapag kinsa may misyon nga hatagan og kampiyonato ang pambato sa nasud sa ABL.

Pinay MMA fighter muduol titulo

Krusyal nga daog ang giapas sa Pinay mixed martial arts fighter nga si Gina Iniong batok sa beteranang si Mei Yamaguchi sa Japan sa ilang sangka sa One Championship karong Biyernes didto sa Singapore.

Kun mudaog si Iniong, hayan nga siya na ang mamahimong world title challenger ni atomweight world champion Angela Lee sa Singapore.

Semis laraw sa Painters

Gusto dayun ni Rain or Shine Elasto Painters coach Caloy Garcia nga mapakita nga usa sila ka lig-ong koponan sa 43rd season sa PBA pinaagi sa pagsulod dayun sa semis sa All-Filipino Cup nga sugdan sunod buwan.

Si Garcia nagkanayon nga dugay na sila nga wa katungtung sa semis ug kon mahitabo kini, pahimuslan nila ang kahigayunan ug suwayan nga mulahos sa finals diin mamasin sila sa labing una nilang Philippine Cup title.