Fajardo maoy LeBron James sa PBA

CEBU, Philippines — Sobra ang bilib ni NLEX Road Warriors rookie Kiefer Ravena ngadto ni reigning MVP nga si JuneMar Fajardo sa San Miguel Beermen nga iyang gihisama ni NBA superstar LeBron James.

Si Ravena mopakita sa labing una niyang aksiyon sa PBA ug usa sa iyang gikahinaman mao ang pakigduwa batok ni Fajardo, ang iyang teammate karon sa Gilas Pilipinas.

Ang kanhi UAAP MVP miingon nga ang San Miguel mao ang nakita  niya  nga “team-to-beat” tungod sa  solido niini nga line-up nga gipangulohan ni Fajardo. Apan wala siya mawad-i sa paglaum nga makadaog sila sa Beermen.

Misyon ni Ravena mao ang pagtabang sa Road Warriors aron matabonan  ang ngil-ad niining performance sa miaging season. (BANAT NEWS)