Celtics usa ka championship contender

CEBU, Philippines — Ang star player sa Golden State Warriors nga si Stephen Curry  mitawag sa Boston Celtics nga usa ka lehitimong NBA title contender tungod sa maayo nilang performance    sa sayong bahin sa season.

Kini ang naestorya ni Curry human sa ilang kapildihan sa mga kamot sa Celtics nga miinat sa ilang winning streak ngadto sa 14 ka sunod-sunod nga daog.

Ang Celtics nag-una sa East Conference sa ilang 14-2 nga baraha ug  mas dako pa sila og rekord sa defending champion nga Warriors (11-4).

Bilib si Curry sa Celtics nga gibidahan ni Kyrie Irving tungod kay nakahimo ang koponan og impresibong winning-streak bisan pa sa pagka-injured sa usa sa ilang mga All-Star nga si Gordon Hayward nga dili na makaduwa sa tibuok season.

Hinuon, si Curry miingon nga nagpabiling hagit sa Celtics mao ang Cleveland Cavaliers  nga  gitan-aw gihapon niya nga “team-to-beat” bisan pa og naglisud sila karon sa season. (BANAT NEWS)