27th Cebu City Olympics buksan karong Nobyembre 20
CEBU, Philippines — Andam na ang tanan alang sa pagpahigayon sa 27th Cebu City Olympics nga buksan karong Nobiyembre 20 diha sa Cebu City Sports Center.
“Aside from high-lighting the development of the sporting skills among the student-athletes, we must see to it that our main goal here is to produce athletes that are globally competitive,” matud pa ni Cebu City Schools Division Superintendent Bianito A. Dagatan atol sa press conference kagahapon didto sa DepEd Cebu City Division office.
Ang Cebu City Olympics maoy qualifying alang sa 2018 Central Visayas Regional Athletic Association (CVRAA) nga gitakda sa Pebrero didto sa Bohol.
Kapin sa 3,000 ka mga atleta sa elementarya ug sekondarya gikan sa nagkadiyang tunghaan sa siyudad sa Sugbo ang mosalmot sa tinuig nga multi-sporting event.
Mga sports event nga tigian naglakip sa arnis, billiard, chess, dancesport, gymnastics, karatedo, scrabble, taekwondo, wrestling, wushu, athletics, badminton, boxing, football, sepak takraw, swimming uban ang duha ka demo sports nga aero-gymnastics ug 3x3 basketball. (BANAT NEWS)
- Latest