Gaballo moaway sa labing unang higayon didto sa Estados Unidos
CEBU, Philippines — Ang walay pildeng Pinoy’ng boksidor nga si Reymart ‘GenSan Assasssin’ Gaballo nagpanikad na nga mopakita sa iyang abilidad didto sa Amerika sa labing unang higayon sa dihang iyang sangkaon ang Mehikanong si Ernesto Guerrero karong adlawa didto sa Hawaii Events Centre sa Honolulu, Hawaii.
Gibutyag ni Sanmam Promotions CEO Jim Manangquil, ang promoter ni Gaballo nga ang iyang batos mitimbang og 117.9 libras, samtang si Guerrero mirehistro og 116.8 lbs. atol sa official weigh-in nga gipahigayon bisperas sa ilang binukbukay.
Sa wala pa milupad sa Hawaii, gibaid una ni Gaballo ang iyang abilidad didto sa Miami, Florida ubos sa paggiya ni Cuban trainer Moro Fernandez.
Ang 21-anyos nga si Gaballo nagbitbit og 16-0 record uban ang 14KOs. Inilog man tuod, apan angayan siyang magmatngon batok ni Guerrero nga beterano sa 48 ka away nga gilangkuban og 27 ka daog, 19 niini pinaagi sa knockout ug 21 ka pilde.
Ang pagsalida ni Gaballo sa main event sa “Fight Night at the Island” nga gipasiugdahan ni Pinoy’ng international boxing promoter Gabriel ‘Bebot’ Elorde giisip niyang labing dako nga hagit sa iyang karera. (BANAT NEWS)
- Latest
