Banat ( Leaderboard Top ), pagematch: 1, sectionmatch: 1

Bulldogs nakapaak dayon

CEBU, Philippines — Nakapaak dayon og daog ang idlas nga Bulldogs, samtang laing tulo ka teams ang gisubhan sab og daog pagsugod sa Sunday.Com 4th Conference League niadtong Domingo didto sa Mandaue City Cultural and Sports  Complex.

Dili basta-basta ang kadaogan sa Bulldogs kay ila man nga gilubong ang Yamaha Sight, 107-75.

Kuyaw kaayo nga nakaduwa si Dado Apa Jr. ug gipangulohan ang Bulldogs pinaagi sa iyang 24 puntos. Laing tulo niya ka teammates ang miiskor sab og double figures ug usa na niini ang ilang team leader ug ballclub president nga si Tata Nadera nga mikabkab og 10 puntos uban ang unom ka rebounds. Si  Jojo Bongo miamot og 16 puntos, samtang si Christopher Cabahug miambit og 15 puntos.

Si Neil Ibarita mao sab ang nangulo sa Yamaha Sight sa iyang  25 puntos, gisundan ni Rambo Cobar nga adunay 17 puntos.

Sa  halftime   pa  lang, ang Bulldogs nakapanemaho na sa ilang sayong kadaogan human nila gilubong og katunga ang Yamaha Sight, 52-26.

Sa lain pang mga resulta, ang 3-time champion Don Paulo (kanhi Alitz) misugod sa ilang title defense pinaagi sa pagpilde sa Therrish Resort Basketball, 56-50.

Walay bisan usa ka player sa Don Paulo ang miiskor og double digits, apan maayong pagkabahin-bahin ang ilang puntos.

Ang Therrish Resort gipangulohan ni Richie Malahos nga mikadlit og 14 puntos.

Midaog sab ang Almons dihang ilang gipauwanan og tres ang 1Med sa iskor nga  79-64 sa   pagpangulo    ni    Jeric Gonzaga nga mipahaguros og 23 puntos.

Sila si Jobus Bustamante ug James Latonio parehong mikandos og 10 puntos sa Almons nga wala na molingi human milabaw, 32-29 paghuman sa second period.

Gipangulohan sab ni Mariel Muñez ang 1Med nga miburak og 21 puntos, samtang si Michael Tagayong miamot og 11 puntos.

Gilubong      sab     sa Ultimate Gym ang Sharks, 85-70.

Nagkumboya’g 35 puntos silang Mike Abrenica ug Saniboy Tambus aron mangulo sa scoring sa Ultimate Gym.

Lima ka player sa Sharks ang miiskor og double figures sa pagpangulo ni Joseph Cabarrubias nga mikamada og 12 puntos.

Puntos matag usa

Unang duwa:

DON Paulo (56) – D. Antigua 9, Fuentes 8, Paradiang 7, Fajardo 7, G. Antigua 6, Malig-on 5, D. Grafe 3, Entrampas 2, T. Grafe 2, Naig 2, Capinpin 2.

THERRISH Resort (50) – Malahos 14, Jordan 9, Maquilan 6, Vistal 6, Niez 4, Rapayla 3, Del Castillo 3, Saludares 2. 

Ikaduhang duwa:

ALMONS (79) –   J. Gonzaga 23,  Bustamante 10, Latonio 10,  Antigua 8, Mark Sanchez 6, Borden 5, Malcolm Sanchez 4, Traya 3, Dabon 3, Barrientos 2, Alivio 2, P. Gonzaga 2, Omolon 2.  

1MED (64) – Muñez 21, Tagayong 11, Cortes 8, Yorong 5, Tejana 4, Sambrana 4, Colina 4, Carba 3, Sayson 2, Villanueva 2.

Ikatulong duwa:

BULLDOGS (107) – Apa Jr. 24, Bongo 16, Cabahug 15, Nadera 10, Bacus 8, Car. Ygot 6, Cha. Ygot 5, Valiente 4, Apa Sr. 4, Tan 4, Palabay 3, Mosqueda 3, Cabillo 2, Antigua 1.

YAMAHA Sight (75) – Ibarita 25, Cobar 17, Ja. De Rojo 7, Oracion 7, Dela Peña 5, Pasana 5, Jo. De Rojo 3, Alcuizar 2, Espija 2, Mascariñas 2.

Ikaupat nga duwa:

ULTIMATE Gym (85) – Abrenica 19, Tambus 16, Apor 9, Manila 7, Reynante 7, Antigua 6, Gulbin 5, Pepito 4, Juncavs 2, Alaura 2, Alex 2, Corilla 2, Mosqueda 2, Zanoria 2.

SHARKS (70) – Cabarrubias 12, N. Galban 11, Techo 10, Tampus 10, Seno 10, Amaya 7, Aparre 6, Dagohoy 4. (BANAT NEWS)

  • Follow Us: