Ildefonso naghinam-hinam
Naghinam-hinam na si PBA legend Danny Ildefonso nga mobalik sa liga, apan ning higayona usa sa mga assistant coach sa Alaska Aces.
Misaad ang kanhi MVP tabangan ang Alaska aron makabalik kini sa playoffs human sa ngil-ad nilang kampanya sa miaging season. Gipasalig sab ni Ildefonso nga magkasinabot sila sa head coach niyang si Alex Compton.
Tyson wala pasudla sa Chile
Dismayado ang kanhi heavyweight champion nga si Mike Tyson gumikan kay igo ra siya gipatunob sa airport sa Chile ug gipabalik dayon siya sa iyang nasud nga Estados Unidos.
Ang Chile wala motugot nga makasulod si Tyson tungod sa karaang criminal records niini diin kini nakumbikto sa kasong rape ug drug possession.
Cabahug maningkamot
Nasayod si Cebuano rookie Elmer Mykiel Cabahug nga usa ka dakong hagit ang pagduwa uban sa Barangay Ginebra Kings, ang labing sikat nga koponan sa PBA.
Gumikan niini, si Cabahug misaad nga maningkamot ilabi na sa ensayo aron ipakita sa koponan nga angayan siya ug aron usab mahatagan og playing time ni coach Tim Cone.
- Latest