Fajardo, Standhardinger buwagon

CEBU, Philippines — Inay dunganon og pasulod, buwagon  ni San Miguel Beermen coach Leo Austria og  pasulod sa korte sila si reigning MVP JuneMar Fajardo ug Fil-German rookie Chris Standhardinger.

Nangandam na si Austria sa bag-ong season sa PBA nga sugdan sunod buwan ug dungan niini mao ang pagplano sa iyang gamitong game plan ilabi na nga sila ang defending All-Filipino champion.

Si Austria nagkanayon nga sa pagsulod ni Standhardinger, makapahuway na og maayo  ang 6-foot-10 nga si Fajardo ug malikayan   na ang kahago ug sa injury.

Sa laing bahin, si Austria mibasura sa ideya nga imposible na silang mapilde tungod sa ilang powerhouse line-up. Si Austria mitug-an nga aduna gihapon  siya’y mga koponan nga gikahadlokan ug kini  ang Barangay Ginebra Kings, TNT KaTropa ug Star Hotshots.  (BANAT NEWS)