Training sa Gilas di ipakita publiko
CEBU, Philippines — Walay media o bisan usa ka fan ang gitugtan nga mosulod sa Meralco Gym diin mag-ensayo ang Gilas Pilipinas pangandam sa 2019 FIBA World Cup qualifiers nga sugdan sa Nobiyembre 24.
Si Gilas coach Chot Reyes miingon nga kinahanglan nga dili madisturbo ang iyang mga batos ilabi na nga krusyal ang matag duwa nila sa maong torneyo.
Todo ensayo na ang Gilas ilabi na nga gamay na lang ilang panahon sa dili pa sila mohimo sa una nilang misyon karong Nobiyembre 24 batok sa Japan didto sa Tokyo.
Lahi sa mga miaging edisyon, ang World Cup qualifiers mosunod sa usa ka ‘home-and-away’ format.
Human sa Tokyo, ang Gilas mouli sa nasud aron mangandam sa pagpanulong sa Chinese Taipei alang sa una nilang ‘home game’ sa Nobiyembre 27 didto sa Smart Araneta Coliseum.
Ang Gilas mag-ensayo kaduha sa matag adlaw aron makuha dayon nila ang ilang team chemistry.
Atol sa ilang training kagahapon, mitunga mao sila si team captain Jayson Castro, Allein Maliksi, Gabe Norwood, Raymund Almazan, JuneMar Fajardo ug Calvin Abueva.
Mitunga sab ang mga Gilas cadets sama nila ni Troy Rosario, Mac Belo, Roger Pogoy, Carl Bryan Cruz, AKevin Alas ug Kiefer Ravena.
Si Reyes gipaabot nga moanunsiyo sa Final 12 gikan sa 23-man pool sa Gilas usa ka semana sa dili pa sila molarga paingon sa Japan. (BANAT NEWS)
- Latest
