Isyu ni Narvasa sulbaron sunod semana
CEBU, Philippines — Bisan nabahin sila karon, ang PBA board of governors nagkahiusa nga sulbaron na ang isyu nga naglambigit ni Commissioner Chito Narvasa ug sabotan kun ipabilin o tangtangon ba kini sa iyang katungdanan.
Ang MVP Groups nga gilangkuban sa mga representante sa Meralco, NLEX ug TNT uban sa Phoenix, Alaska, Blackwater ug Rain or Shine gusto nga palagputon si Narvasa, apan ang San Miguel Corp. teams nga Ginebra, San Miguel ug Star uban sa Kia ug GlobalPort pabor nga ipabilin si Narvasa sa iyang puwesto.
Ang 12 ka sakop sa PBA board magtigom sunod semana didto sa Los Angeles alang sa tinuig nilang planning session ug gusto nila nga mahilot na ang maong problema.
Si Narvasa una nang miingon nga andam siya nga mobiya sa puwesto, apan dili siya motugot nga tangtangon siya nga wala pa makadepensa sa iyang kaugalingon sa mga alegasyon batok kaniya.
Nasayran nga nakapaaghat sa pito ka board nga ipataktak si Narvasa mao ang iyang paghatag og pagtugot sa San Miguel-Kia trade diin nakuha sa Beermen ang No. 1 pick nga si Fil-German Christian Standhardinger. (BANAT NEWS)
- Latest