Durham dismayado sa PBA refs

CEBU, Philippines — Wala mahadlok sa silot si Meralco Bolts import Allen Durham ug gipahungaw niya ang iyang kadismaya sa nakita niyang ‘bias’ nga officiating sa Game-5 sa ilang ‘best-of-seven’ finals series  sa PBA Governors’ Cup diin napilde sila sa crowd-darling Barangay Ginebra Kings didto sa Philippine Arena niadtong Domingo.

Ang best import nagkanayon nga wala siya kauyon sa humok nga tawag og fouls pabor sa Ginebra nga nakahimo og 24 ka free-throw attempts itandi sa 13 sa Meralco.

Usa sa nakapalig-on sa pagduda ni Durham nga adunay gipaboran ang opisyal mao ang nahitabo sa krusyal nga minuto sa final period diin gitawgan og foul iyang teammate nga si Cliff Hodge nga wala gyud makatarog ni Greg Slaughter atol sa pag-ilogay sa rebound. (BANAT NEWS)