Cousins gisilotan

Sayu pa lang sa season, apan nakadawat dayun og silot ang kontrobersyal nga All-Star center nga si DeMarcus Cousins human kini mibalikas ug nagbinastos batok sa usa ka fan.

Si Cousins gipamulta og $25,000 atol sa duwa sa iyang koponan New Orleans Pelicans diin nainit siya dihang gisyagitan og usa ka babaye nga fan sa Memphis Grizzlies.

Blackwater mipalag

Wala kauyon ang tag-iya sa Blackwater Elite nga si Dioceldo Sy sa gilihok karon nga trade tali sa Kia Picanto nga muhatag sa ilang No.1 pick ngadto sa San Miguel Beermen bugti sa tulo ka mga reserve players.

Si Sy misaway sa Kia nga iyang gitan-aw nga makaguba ra sa balanse sa liga ug walay plano nga mupalambo sa ilang koponan.

Ancajas mag-anad sa klima

Kinahanglan nga musayo og adto sa nasud sa Ireland aron maanad sa bugnaw nga klima si IBF junior bantamweight champion Jerwin Ancajas kinsa manalipod sa iyang bakus batok sa hometown fighter nga si Jamie Conlan.

Kini ang giisip nga labing dakung hagit ni Ancajas tungod usab kay gitan-aw nga usa ka top prospect sa iyang dibisyon si Conlan.