Tion squad lider sa celba 2nd conference
CEBU, Philippines — Nailog sa Tion squad ang solong liderato human nila giputol ang nagkadinang daog sa CCT Builders , 79-74 sa CELBA Second Conference Basketball Tournament 2017 niadtong Sabado sa gabii didto sa Canduman Housing gym sa dakbayan sa Mandaue.
Ang Tion squad ni Rex Tion nagbitbit na karon og 3-0 nga baraha, samtang ang CCT Builders ni Engr. Chucho Tan midailos sa 3-1 win-loss record.
Nangulo sa kadaogan si Rey Gonzaga nga mikadlit og 21 puntos, samtang si Timmy Cabrera nga maoy pabilo sa fourth quarter rally miamot og 19 puntos.
Bayente uno puntos sab ang nahimo ni Marcial Marturillas aron mangulo sa CCT Builders, si Roy Ermac miabuno og 12 puntos, samtang ang team owner nga si Tan ug si Richard Madrid magtampohay og 10 puntos.
Nilabaw unta ang CCT Builders human sa 3-point shot ni Tan, 47-45, apan abtik sab kaayong nakatubag og tres si Wendell Oquias, 47-47 ug ang basket ni Tion maoy mipalabaw sa hingpit sa Tion squad.
Sa pasiunang duwa, ang AC Troopers , yano kaayong miiskor og daog pinaagi sa paglubong sa SIBA Tamaraws, 96-73.
Gipangulohan ni Rex Gonzaga ang daog pinaagi sa iyang 15 puntos, gisundan nilang Lindsay Bontilao ug Roel Miñoza nga parehong mipabuto og 11 puntos, samtang ang team owner nga si PS/Insp. Dondon Coloscos mipaksit og 10 puntos sa iyang team nga maoy nidiktar sa kinatibuk-ang duwa.
Ang gilat-an nga SIBA Tamaraws gipangulohan ni Rebie Templado nga misugnod og 17 puntos, si Alan Federez mitimpla og 11 puntos, samtang si Jennifer Velasco mihaling og 10 puntos.
Ang liga gipaluyohan ni Ronald Yap Elpa. Gipadagan ubos sa superbisyon sa president e niining si PS/Inspt Coloscos sa abag nilang Titing Medillo, Richard Limosnero ug Lloyd Chavez.
Puntos Matag Usa
Unang duwa:
Ac Troopers (96) – Gonzaga 15, Bontilao 11, Miñozas 11, Coloscos 10, Molit 10, Cabahug 8, Baclay 7, Englis 6, Chavez 5, Limsnero 5, Suico 4, Buenavista 4.
SIBA Tamaraws )73) – Templado 17, Federez 11, Velasco 10, Cañas 9, Pios 8, Marabe 7, Abanid 6, Abelong 3, Catinoy 2.
Ikaduhang duwa:
TION (79) – Gonzaga 21, Cabrera 19, Ramos 8, Oquias 8, Entapan 7, Tion 6, Gomez 6, Ouano 6, Buliag 4, Setenta 3.
CCT Builders (74) – Marturillas 21, Ermac 12, Tan 10, Madrid 10, Beldera 5, Quiñahan 5, Senilong 5, Lavador 3, Alburo 2. Ocier 2. — (BANAT NEWS)
- Latest