Hontiveros nangandam alang sa ABL
CEBU, Philippines — Mipaubos sa grabeng conditioning training ang kanhi Cebuano PBA star nga si Dondon Hontiveros alang sa Alab Pilipinas nga mopakita’g aksiyon sa ASEAN Basketball League.
Ang 40-anyos nga si Hontiveros nga miretiro sa PBA niini lang bulana human sa 17 niya ka tuig sa liga, midawat sa tanyag ni Alab coach Jimmy Alapag aron moduwa sa nasudnong koponan.
Ang usa sa labing hingigo nga shooter sa kasaysayan sa PBA nakita sa Alab coaching staff nga dako og matampo sa koponan nga laraw mosakmit og balik sa ABL title human matagak sa finals sa miaging tuig.
Si Alapag miingon nga dali ra usab sila nga magkasinabot ni Hontiveros kay suod na kini niya nga higala ug teammate kaniadto sa Gilas Pilipinas. (BANAT NEWS)
- Latest