Cone nangayo na og pasaylo ni Black
CEBU, Philippines — Nangayo og pasaylo si multi-titled coach Tim Cone sa Barangay Ginebra Kings ngadto sa karibal niyang coach nga si Norman Black sa Meralco Bolts human sa kontrobersiyal nga nahitabo sa Game-3 sa ilang Finals series.
Si Cone wala milamano ni Black human sa duwa nga miani og negatibong reaksiyon. Ang wala niya paglamano gisabot sa mga fans nga usa ka “unsportsmanlike conduct”.
Mirason si Cone nga wala siya milamano tungod kay nadismaya siya ni Black tungod kay mitawag pa kini og time-out sa katapusang 38 segundos sa duwa bisan og gilubong na ang Ginebra sa Meralco sa iskor nga 81-94.
Si Cone maoy nagkupot sa rekord nga “winningest coach” sa PBA nga nakahipos na og 19 ka titulo. (BANAT NEWS)
- Latest