Standhardinger motiwas una og duwa sa ABL
CEBU, Philippines — Mga PBA teams nga gusto mokuha sa serbisyo ni Chris Standhardinger aron moduwa sa liga magpaabot una hangtod nga mahuman ang ABL season.
Ang Fil-German sensation nga si Standhardinger niduwa uban sa Hong Kong Eastern Lions, ang defending champion sa ABL ug gusto sa koponan nga tiwason una sa basketbolista ang iyang kontrata sa dili pa nila kini ihatag sa PBA.
Ang 2017-2018 season sa PBA sugdan sunod buwan ug matapos sa sayong bahin sa tuig 2018.
Si Standhardinger mosalmot sa PBA rookie draft nga ipahigayun karong Oktubre 29.
Ang Kia Picanto maoy adunay katungod nga mokuha sa No.1 pick, samtang ang Blackwater Elite ug NLEX Road Warriors maoy seguro nga mokuha sa No. 2 ug No. 3.
Si Standhardinger kinsa mipakita sa iyang abilidad uban sa Gilas Pilipinas sa FIBA Asia Championship ug Southeast Asian Games, mao ang gitan-aw nga mahimong top pick bisan pa sa presensiya sa ubang amateur standout sama nila ni Kiefer Ravena ug Jeron Teng. (BANAT NEWS)
- Latest