Batac, Zafico daog sa Salomon X-Trail Run

CEBU, Philippines — Sila si Daisy Batac ug Paul James Zafico ang migawas nga labing paspas sa tagsa-tagsa nila ka dibisyon sa Cebu leg sa Salomon X-Trail Run kagahapon didto sa Foressa Trails sa Barangay Cansomoroy, Balamban, Cebu.

Ang beterana nga si Batac mitapos sa lumba nga may gilay-on nga 21-kilometros, sud sa tulo ka oras, 52 minutos ug kwatro segundos.

Nagsunod ni Batac si Manily Mamugay kinsa milabang sa finish line sa oras nga 3:53:03, samtang si Michelle Beck maoy misakmit sa third place sa oras nga 4:23:09.

Sa iyang bahin, si Zafico maoy kampiyon sa men's open sa oras nga 2:41:12. Wa kaapas kaniya ang second placer nga si John Anil (2:59:36) ug si Merson Gasang anaa sa ikatulo sa oras nga 3:13:52.

Sa laing bahin, ang Mountain Bike Track Day nga gipasiugdahan sa Motor Ace Kawasaki nagmalampuson usab didto sa Foressa Trails diin gatusan ka mga bikers ang misalmot. Ang Foressa Trails sa AbotizLand bag-o lang gibuksan alang sa mga sports enthusiasts. — (BANAT NEWS)