Banat ( Leaderboard Top ), pagematch: 1, sectionmatch: 1

Championship trophy gusto ni Slaughter

CEBU, Philippines — Wala panumbalinga ni Cebuano star center Greg Slaughter nga usa siya sa labing lig-on nga kandidato alang sa ‘Best Player of the Conference’ award sa PBA Governors’ Cup.

Ang 6-foot-11 nga si Slaughter miklaro nga mas importante kaniya nga mokampiyon ang Barangay Ginebra Kings batok sa Meralco Bolts sa finals ilabi na nga mao kini ang una niyang pagbalik og duwa human sa kapin usa ka tuig nga pagpahuway tungod sa injury.

Si Slaughter ug si Meralco Bolts ace Chris Newsome maoy magtigi alang sa BPC award.

“If I score zero and we win, I’ll be happy with that. I always look on winning the championship over individual awards,”  matud pa ni Slaughter sa The Philippine STAR.

Si Slaughter nga nag-average karon og double-double usa sa nakatabang  sa Ginebra pag-abante og balik  sa finals. Sayod usab siya nga grabeng depensa ang nagpaabot kaniya gikan sa Meralco aron malimitahan iyang produksiyon sa scoring ug rebounding. (BANAT NEWS)

  • Follow Us: