Duha ka Sugbuanong soccer players mag-training sa Spain
CEBU, Philippines — Duha ka batan-ong Sugboanong players ang nakaangkon og bulawanong kahigayonan nga malakip sa labing unang Milo FC Barcelona (FCB) Philippine team nga ma-training ug ingon man mag-tour didto sa Camp Nou sa Spain karong Oktubre 15 hangtod sa 23.
Ang Camp Nou maoy homecourt sa FC Barcelona, ang usa sa labing sikat nga football teams sa kalibotan.
Ang nabuligan sa maayong palad mao sila si Joseph Kyne Garces sa Don Bosco Technical College ug Ethan Jacob Roxas sa Paref Springdale. Sila si Garces ug Roxas makigduyog nilang Lien Dale Manuel (Vicente Lim Elementary School), Lara Angela Amante (Isabelo de los Reyes Elementary School), Liam Arc Villaran (Don Bosco College-Canlubang), Kevin H. Hadap (Diosdado P. Macapagal Elementary School), Heaven Andrei Teodosio (Ilaya Barangka Integrated School), Lorenzo Miguel Castillo Plaza (Xavier School), Alexis Caitlin Tan (Keys School Manila), Marcus Lucas Arias (Don Bosco College-Canlubang), Lorenz Albert Tortona (Xavier School), Enzo Gacutan Courbet (Brent International School), ug Boris Malcolm Uy (Keys School Manila) sa maong talagsaon nga oportunidad.
Napili sila gikan sa 150 ka mga bata nga nangindahay gumikan sa impresibong abilidad nga ilang gipakita atol sa Milo FCB Road to Barcelona Training Camp niadtong Septiyembre 2-3 didto sa kaulohan.
“We are very proud and excited to introduce the first batch of athletes who will get to go on this incredible journey in Barcelona. We believe that we have a really good team of kids who exemplify the right mix of values and skills that both MILO and FC Barcelona advocate. It is our hope that the journey of these kids inspire more and more young Filipinos to be their best, and reach for their dreams,” matud pa ni Milo Sports Executive Robbie de Vera. (BANAT NEWS)
- Latest
