Banat ( Leaderboard Top ), pagematch: 1, sectionmatch: 1

James niduwa na, apan Cavs pilde

CEBU, Philippines — Human mapalta sa nag-unang tulo ka duwa sa Clevelend Cavaliers gumikan sa angol sa iyang tiil, nakaduwa na gyud si LeBron James sa labing unang higayon sa pre-season sa NBA.

Miiskor    siya   og   17 puntos, apan nakamugna og walo ka turnovers sa ilang 94-108 nga kaparotan ngadto sa Chicago Bulls.

Mao kadto ang unang higayon ni James nga makaduwa og balik uban ang suod niyang higala ug kanhi Miami Heat teammates nga si Dwyane Wade gumikan kay gidiga man sa Cavaliers sa bag-o nilang starting line-up. 

Giubanan sila nilang Kevin Love, Derrick Rose ug Jae Crowder. 

Si Rose mitapos uban ang 13 puntos, samtang si Iman Shumpert mikadlit og 12 puntos.

Gawas ni James, mikagar sab ang opensa nilang Love ug Wade nga mipasulod lamang og duha sa kinatibuk-an nilang 19 ka tira.

Malaumon hinuon si James nga sa hinay-hinay mabaid ang ilang koponan ug makaporma sila og usa ka solidong puwersa sa dili pa mosikad ang 2017-2018 NBA season karong Oktubre 17.

Sa laing bahin, giselyohan na sa sentro sa Philadelphia 76ers nga si Joel Embiid ang lima ka tuig niyang contract extension nga mibalor og $148 million. (BANAT NEWS)

  • Follow Us: