Banat ( Leaderboard Top ), pagematch: 1, sectionmatch: 1

Korona tuyo sa UV Baby Lancers

CEBU, Philippines — Determinado nga putlon ang unom ka tuig nilang huwaw sa titulo, ang University of the Visayas (UV) Baby Lancers nagpanikad nang mokab-ot sa ilang misyon apan angayan silang mangandam sa usa ka dakong gubat batok sa four-time champions Sacred Heart School-Ateneo de Cebu (SHS-AdC) Magis Eagles sa Game 2 sa “best-of-three” juniors division finals sa 17th Cebu Schools Athletic Foundation, Inc. (CESAFI) men’s basketball tournament karong adlawa diha sa Cebu Coliseum.

Ang Baby Lancers maoy mipatigbabaw sa unang duwa sa serye niadtong Martes, 69-59 aron pagtikang ngadto na lang sa usa ka daog aron sakmiton ang labing una nilang kampiyonato sulod sa unom ka tuig.

Gawas niini, mipaduol sab sila ngadto sa pagtumpag sa dinastiya nga gitukod sa Magis Eagles nga maoy midominar sa liga sukad niadtong 2011.

Alang sa Baby Lancers,      dili      pa       sila angayan nga mokompiyansa kay wala pa matapos ang tanan.

Bisan tuod og duna sila mahinungdanong laraw, gipanglantawan sa Baby Lancers ang usa ka mainitong resbak gikan sa Magis Eagles nga seguradong makigpatay aron malugwayan pa ang ilang serye.

Apan si Baby Lancers assistant coach Gerald Ylaya nagkanayon nga andam   sila  kanunay kun    unsa  man gani ang ipakitang labok sa Magis Eagles ngadto kanila.

Hayag kaayo ang teamwork sa Baby Lancers sa Game 1 diin sila nakabaton og pipila ka bayani sama nilang Beirn Anthony Laurente, Jim Paul Amistoso, Joshua Yerro ug Jhiey Paraldo.

Bisan tuod og sila nakapabor, si Ylaya mibutyag nga nakat-on sila og leksiyon sa ilang kagahapon mao nang bisan gamay dili sila mamilok pagsanta kun unsa man gani nga klasi sa kumbati ang idiga sa Magis Eagles batok kanila.

“The Baby Lancers have sat on this boat before and we learned our lessons well. It ain't over till it's over. We will put relentless pressure on them from start to finish. We will push harder, capitalize on our momentum and charge even stronger," sumala pa ni Ylaya.

“We  learned  to respect our opponents this way. It is not only because we want to win but also because we owe it to each other, to the management, the entire coaching staff, to our family and supporters. We want to play a great game for CESAFI.”

Sa iyang bahin, si Magis Eagles coach Rommel Rasmo mapaubsanong miangkon nga naparot gyud sila sa maayong koponan ug nanghinaut siya nga makabawi pa sila aron makaaway og laing adlaw.

“I have to give credit to UV. They had better intensity and hustle. They played their hearts out for 40 minutes. We need to match that for us to have a chance at extending the series,” matud pa ni Rasmo. (BANAT NEWS)

  • Follow Us: