Philippine team nakabawi batok Thais
CEBU, Philippines — Human sa ilang kapildehan batok sa Palestine niadtong Domingo, ang Gilas Pilipinas nakabawi human nila gilubong ang Thailand, 115-102, sa FIBA Asia Champions Cup kagahapon didto sa China.
Sa maong kadaugan, ang Gilas misaka sa 2-1 nga baraha human usab sa ilang daog sa opener batok sa Kazakhstan.
Ang Alaska Aces rookie nga si Carl Bryan Cruz maoy nangulo sa mga Pinoy sa iyang 28 puntos, samtang ang import ug naturalized player candidate nga si Isaiah Austin padayun sa iyang impresibong duwa sa iyang 27 puntos.
Nagukod ang Pilipinas sa unang bahin sa duwa, apan nakontrolar nila ang opensa ni kanhi PBA import Michael Singletary kinsa maoy namuntos sa Thai sa iyang 32 puntos. Mibida usab sa Thai ang adunay dugong Pinoy nga si Jason Brickman nga mitampo og 17 puntos. (BANAT NEWS)
- Latest