Gilas daog sa Kazakhs; pilde sa Palestine
CEBU, Philippines — Gisubhan og daog ang kampanya sa Gilas Pilipinas sa FIBA Asia Champions, apan wala pa’y 24 oras, nakatilaw usab dayon sila og pilde kagahapon didto sa China.
Ang Gilas midaog sa ilang opener batok sa Kazakhstan, 73-65 ubos sa pagpangulo sa import niining si Isaiah Austin nga mihimo og double-double pinaagi sa iyang 18 puntos ug 17 ka rebounds, samtang si Kiefer Ravena midugang og 22 puntos.
Nakaapektar ang mubo nga pahuway sa Gilas kay sa dihang ilang giharong ang Lebanon napilde sila sa iskor nga 82-89.
Ang Gilas gipahimungtan sa Lebanon nga sama kanila aduna sa’y 1-1 nga baraha human mapilde sa opener batok sa Thailand. Ang Gilas mamawi sa ilang sangka sa Thailand karong adlawa.
Sila si Austin ug Ravena mao gihapon ang mibida sa Gilas batok sa Lebanon, apan naglisud sila tungod sa init nga three-point shooting sa ilang kontra. (BANAT NEWS)
- Latest