Choi Chai mibaraw damgo sa IPI Team

CEBU, Philippines — Wala kalahutay  ang gahom sa  IPI  Team batok sa  mas  batan-on nga Choi Chai nga hinungdan  nga napakyas sila  pagsakmit sa korona sa Tabok Palarong Pambarangay 2017 Open Basketball Tournament.

Ang IPI team napukan ngadto sa Choi Chai, 76-83 sa overtime sa higpit kaayo nila nga duwa sa finals niadtong  Biyernes sa gabii didto sa Co Tiao King gym sa Tabok,   Mandaue City.

Anaa na unta sa baba sa kadaogan ang IPI dihang labaw sila og kuwatro puntos, 72-68, apan naungot ang ilang  iskor nunot sa pagbahar sa ilang opensa nga gipahimuslan sab sa Choi  Chai  aron  pagpuwersa sa duwa ngadto sa overtime.

Sa dugang singko minutos, salida na tanan sa   Choi   Chai   ni     coach Rey Labigan diin ilang    gilimitahan  ang  IPI  og  kuwatro puntos sa overtime nga nakapawong sa  paglaum nila nga mohari sa maong liga.

Dili na unta moagi pa  sa overtime ang duwa, apan nasipyat ang ilang duha ka attempt.

Si    Anchor  Igot  maoy kuyaw kaayong nakaduwa  ug maoy nangulo sa scoring sa  Choi Chai pinaagi sa iyang 22 puntos, samtang si Brian Abalo miamot og 11 puntos. Misuporta sab sila si Jon Sala,  Joel Calderon ug Marty Pearce nga nagtampohay og 10 puntos sa kadaogan.

Ang IPI team ni coach Cesar Lee gipangulohan ni Roger Caytona nga mikabkab og 13 puntos, gisundan ni Biboy Potencioso sa iyang 12 puntos. Si Mark Abadia mitikdol og 11 puntos, samtang sila si Sigmund Cabrera ug Alex Cainglet  mitampo’g 10 puntos matag usa.

Gipasiugdahan sa Tabok Barangay Council ubos sa liderato ni Dario Tarriman, ang mga liga ubos sa superbisyon ni committee chairman Boy Tariman sa abag nilang Dodo Rivera ug Dady Diapera, ingon man nilang Louie Canen, Marlon Espante ug Ruben Canen sa CEBRA.

Puntos Matag Usa

CHOI CHAI (83) – Igot 22, Abalo 11, Sala 10, Calderon 10, Pearce 10, Depareine 8, Regero 8, Linao 3.

IPI (76) – Caytona 13, Potencioso 12, Abadia 11, Cabrera 10, Cainglet 10, Valencia 6, Cabahug 5, Rosal 4, Relampagos 3, Stela 2. (BANAT NEWS)