Pacquiao wala na sa Kia

CEBU, Philippines — Nabuwag na si   Manny Pacquiao sa Kia Picanto human wala na lugwayi ang iyang kontrata sa koponan.

Kahinumduman, nga maihap ra ang higayon nga moduwa si Pacquiao uban sa Kia diin siya ang playing coach tungod  sa nagpatong-patong niyang responsibilidad sa senado ug boksing.

Sa pagkawala ni Pacquiao, hingpit na nga gisaka isip head coach sa Kia si Chris Gavina. Si Pacquiao wala pa gyud kaduwa bisan usa lang karon nga season. Ang Kia naninguha nga makasulod sa playoff sa labing unang higayon.

Si Pacquiao mihimo og kasaysayan isip labing unang Pinoy boxing champion nga miduwa sa PBA human siya gi-draft sa Kia niadtong tuig 2014.  Ang 5-foot-7 nga si Pacquiao limitado usab og produksiyon uban sa Kia, labing dako niyang scoring output mao ang dos puntos. (BANAT NEWS)