Kimlex, 2-0 na sa Gullas Cup
CEBU, Philippines — Nagmangtas og maayo sila si John Villaver ug Eric Zanoria sa Kimlex nga milubong sa inilog nga SG-ARQ Builders, 114-97 aron pagbira sa solong liderato sa Bracket B sa Talisay City Sports Commission-organized 2017 Mayor Eddie Gullas Cup basketball tournament sa miaging gabii didto sa Talisay City Sports Complex.
Si Villaver mibubo og 19 sa iyang 27 puntos sa first half aron pagtabang sa Kimlex pagprotekta sa nipis niining labaw, 51-50 sa halftime.
Misalida sab dayon si Zanoria, ang kanhi CESAFI 'Slam Dunk' king nga mipupo’g 20 sa iyang 22 puntos sa final half.
Mao kadto ang ikaduhang sagunson nga daog sa Kimlex.
Si Alex Cainglet miratsada og 28 puntos ug si Ronan Isidro mitikdol og 25 puntos alang sa SG/ARQ nga nahisukamod sa unang higayon sulod sa duha ka duwa.
Gisalmotan og pito ka teams, ang makampiyon sa torneyo mobulsa og P80,000, samtang ang runner-up modawat og P50,000. Ang mopahiluna sa ikatulo ug ikaupat nga puwesto makadawat og P30,000 ug 20,000. (BANAT NEWS)
- Latest
