Panag-abot nila ni Irving UG James gilantaw nga usa ka emosyonal
CEBU, Philippines — Nasuko man o wala ang kanhi niya teammate sa Cleveland Cavaliers nga si LeBron James, dili panumbalingon ni Kyrie Irving kun dili sila magtagad sa higayon mag-abot sila pag-usab.
Si Irving mao na karon ang star player sa Boston Celtics human gidungog ang gipangayo niyang trade. Napunta si Irving sa Celtics gikan sa Cavaliers bugti nila ni Isaiah Thomas ug Jae Crowder.
Tungod niini, atngan unya ang usa ka emosyonal nga opening game tali sa Cavaliers ug Celtics sunod buwan diin mag-abot dayon ang duha ka NBA stars.
Sila si James ug Irving nag-uban niadtong tuig 2015-2016 diin ilang nasakmit ang NBA title, apan napakyas sila pagkulit og back-to-back championship sa miaging season human mapilde sa Golden State Warriors sa Finals. (BANAT NEWS)
- Latest