MPPH, ACW Troopers mag-abot sa 1st FBL Finals
CEBU, Philippines — Gipangpilde sa MPPH ni Jumar Toyugan ug sa ACW Troopers ang tagsa-tagsa nilang kaatbang aron maoy mag-abot sa 1st Friendship Basketball League (FBL) niadtong Domingo sa gabii didto sa Sacred Heart School old campus sa General Maxilom Avenue, siyudad sa Sugbo.
Nasakmit sa MPPH ang katapusang luna sa finals human sa ilang 73-63 nga kadaogan batok sa Selected Warriors, samtang ang ACW Troopers mipilde sa MCISCO, 64-55.
Si Jared Dacayan maoy topscorer sa MPPH nga mibanat sa second period aron moposte og 35-22 sa halftime.
Ang league organizer ug commissioner nga si Toyugan miamot og 15 puntos sa iyang koponan, samtang sila si Jay-R ug Dominador Casquejo nagkumboya’g 25 puntos.
Gipangulohan sab ni J. Nacua ang Selected Warriors pinaagi sa iyang 17 puntos, gisundan ni A. Nacua nga adunay 12 puntos, samtang sila si D. Nacua ug Panares mitampo’g 11 puntos matag usa sa Selected Warriors.
Sa laing bahin, si J. Soco mipabuto og 23 puntos aron mangulo sa scoring sa ACW Troopers, mipaksit sab og 21 puntos si Marlon Omayao, samtang si T. Andales mikadlit og 11 puntos sa maong kadaogan.
Ang co-manager nga silang Anton Orticio ug Joey Delantar nagkumboya’g 16 puntos alang sa napildeng MCISCO. Sila si Alpoy Manaloto ug George Arnibal nagtampohay og 10 puntos sa napildeng koponan nga moduwa na lang alang sa ikatulong dapit.
Puntos matag usa
Unang duwa:
ACW Troopers (64) – J. Soco 23, M. Omayao 21, T. Andales 11, Anthony 4, E. Burlaos 4, J.
Andales 3.
MCISCO (55) – A. Orticio 11, A. Manaloto 10, G. Arnibal 10, Lee 6, Hermosada 6, Delantar 5, Auman 5, Inoc 2.
Ikaduhang duwa:
MPPH (73) – J. Dacayan 16, Toyugan 15, J. Gocotano 13, D. Casquejo 12, J. Almonia 6, M.
Remocha 4, Hablo 3.
Selection Warriors (63) – J. Nacua 17, A. Nacua 12, D. Nacua 11, Panares 11, Lopes 8, Mata 3, Kent 1. (BANAT NEWS)
- Latest