Final 4 tuyo sa Beermen

CEBU, Philippines — Paningkamuton sa San Miguel Beermen nga modaog sa ilang krusyal nga duwa karon nga maoy  mohatag kanila og luna sa Final 4 ug ingon man pag-angkon og twice-to-beat incentives  sa playoffs sa PBA  Governors’ Cup.

Ang Beermen makigbatok sa Phoenix Fuel Masters karong alas-7 sa gabii human sa duwa tali sa  Rain or Shine Elasto Painters ug Alaska Aces nga sugdan sa alas-4:15 sa hapon.

Sa pagka karon, ang Beermen nagtungkawo   sa ikalimang dapit sa ilang 6-3 nga baraha ug ang daog momugna og triple-tie uban sa TNT KaTropa ug NLEX Road Warriors.

Kun usa kanila sa TNT ug NLEX ang mapilde sa mga mosunod nga duwa, ang Beermen maoy  makakuha sa ikaupat nga luna.

Kinahanglan nga dag-on   sa  Beermen ang ilang duwa karon tungod kay ang katapusan nilang duwa batok sa second seed nga Meralco Bolts sa Domingo.

Ang Beermen mosandig sa Cebuano star center nga si JuneMar Fajardo, kinsa mirakrak og 41  puntos sa miaging duwa batok sa Kia Picanto. (BANAT NEWS)